截至周二（18日），世茂在10月共回購11次，總額1.71億元的股份，連同7月及9月，今年已斥資5.8億元回購。學乜大師話齋，雖然公司回購，感覺上不及大股東真金白銀增持直接，起碼說明管理層認為公司前景好、估值低，股價理應看漲。
出手既野貴精不貴多。今次以外，世茂曾經有過兩段回購紀錄（見圖紅圈），顯示管理層既眼光奇準。第一次在2008年10、11月的「金融海嘯」高峰期，公司當時斥資2.11億元，回購5,618.5萬股，平均價約3.76元；第二次在2011年9、10月回購8,405.5萬股，平均價約6.12元，耗資5.14億元。講咁耐，最後股價梗係大升！
圖表顯示，回購過後，股價好快見底反彈。假如持貨一年多，股價升幅可達兩倍以上。當然，好難講今次世茂股價會否倍升，但如果相信管理層過去眼光，現價至少會係一個底部。
